ក្មេងទំនើងកែច្នៃស៊ីម៉ាំងម៉ូតូបំពងសំឡេង អត់ស្លាកលេខអត់មានកញ្ចក់ និង អត់ពាក់មួកសុវត្ថិភាព ត្រូវបានឃាត់មិនឲ្យធ្វើចរាចរណ៍
23-December-2019 | ដោយ ពលមនសិការ
ព្រះសីហនុ៖ លោកវរសេនីយ៍ឯកភុល ភស្តា អធិការនគរបាលក្រុងព្រះសីហនុបានឲ្យដឹងថា លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជាឲ្យសមត្ថកិច្ចជំនាញ ត្រួតពិនិត្យតាមដងផ្លូវ ឃាត់ទុកមធ្យោបាយ(ម៉ូតូ) ដែលជនទំនើង បាននឹងកំពុងប្រើប្រាស់កែច្នៃស៊ីម៉ាំង បំពងសំឡេងរំខានដល់អារម្មណ៍ប្រជាពលរដ្ឋ និងគ្មានស្លាកលេខ មិនមានកញ្ចក់មើលក្រោយ មិនពាក់មួកការពារសុវត្ថិភាព ឃាត់ទុកមិនអនុញ្ញាតឲ្យធ្វើចរាចរណ៍តាមផ្លូវសាធារណៈឡើយ។
លោកភុល ភស្តា បានបញ្ជាក់ថាតាមបទបញ្ជារបស់លោកឧត្តមសេនីយ៍ស្នងការ ការឃាត់ទុកមធ្យោបាយដែលកែច្នៃខុសលក្ខណៈបច្ចេកទេសទាំងនេះ មិនបានផាកពិន័យ ឬដាក់ទណ្ឌកម្មអ្វីឡើយ ! ក្រោយពេលសាម៉ីខ្លួន ធ្វើកិច្ចសន្យា និង បានបំពាក់បរិក្ខារត្រឹមត្រូវ អនុញ្ញាតឲ្យយកមធ្យោបាយទៅប្រើប្រាស់បាន៕
ចំនួនអ្នកទស្សនា
- ថ្ងៃនេះ13311
- ម្សិលមិញ15681
- សប្តាហ៍នេះ72151
- ខែនេះ94031
- ឆ្នាំនេះ94031
- សរុប20536487